Lifestyle - Mondo
Munti e Trimunti
“Salutamu, cumpari Totò”.
“Salutamu, cumpari Mimì”.
“Cumpari Mimì, assittativi un minutu e spiegatimi chiddu chi sta succidennu”.
“Sta succidennu chi Bennuscuni cadiu”.
“Ma non dicia chi avia li numeri?”
“Sì, ma sta volta lu superenalottu nun nisciu?”
“E uora?”
“Uora si parra di Munti comu presidenti”.
“Ma non erunu tri?”
“Chi cosa?”
“I munti”.
“Ah, non Trimunti, sulu Munti, senza tri. Chistu nuovu quannu parra nun avi ‘a vucca ‘mpastata da erri floscia. Anzi acchianoi subitu ‘nto munti”.
“Quali munti?”
“Lu munti Quirinali, unni sta lu capu dillu Statu”.
“Cumpari, cu tutti ‘sti munti e muntagni mi staiu cunfundendu. Ma ‘stu Munti, chiddu senza tri, di quali ovo di Pasca nisciu?”
“No, chi ovo di Pasca! Chistu iè un bancheri”.
“Allura li canusci li sofferenzi du populu. I bancheri sunnu sempri a fiancu du populu”.
“Cumpari, chi mi vuliti pigghiari pi fissa, stamatina?”
“Iu? No, caru cumpari, sunnu iddi chi nni pigghiunu pi fissa. Secunnu mia, Munti o non Munti, li nostri pinziuni risterannu sempri li stissi”.
“Li stissi? Li calirannu, autru chi li stissi! Anzi avemu a ringraziare lu Signuruzzu si nun li levunu du tuttu”.
“Stati parrannu di li nostri, veru?”
“Si capisci! Sempri di li nostri. Chiddi soi nun ci li leva nuddu”.
“E allura, sapiti chi vi dicu?”
“Chi diciti? Chi diciti?”
“A mari semu”.
“E a mari ristamu”.
“Salutamu, cumpari Totò”.
“Salutamu, cumpari Mimì”.
Fonte: redazione palermomania.it
© Palermomania.it - Il portale di Palermo a 360°
Lascia un tuo commento
Questo articolo ha ricevuto
Approfondimenti
Opinioni a confronto
Articoli più letti
- Oggi
- Settimana
- Mese
