I' te vurria vasà - Andrea Bocelli

Ah! Che bell'aria fresca, Ch'addore 'e malvarosa, E tu durmenno staje, 'ncopp'a sti ffronne 'e rosa!

di Palermomania.it

| Pubblicata il: 31/01/2015 - 18:27:39

Letto 3037 volte

Vota questo articolo: 240

Ah! Che bell'aria fresca
Ch'addore 'e malvarosa
E tu durmenno staje,
'ncopp'a sti ffronne 'e rosa!
'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!
I' te vurría vasá
I' te vurría vasá
ma 'o core nun mm''o ddice
'e te scetá...
'e te scetá!...
I' mme vurría addurmí
I' mme vurría addurmí
vicino ô sciato tujo,
n'ora pur'i'...
n'ora pur'i'!...
Tu duorme oje Rosa mia
e duorme a suonno chino,
mentr'io guardo, 'ncantato,
stu musso curallino...
E chesti ccarne fresche,
e chesti ttrezze nere,
mme mettono, 'int''o core,
mille male penziere!
I' te vurría vasá

Sento stu core tujo
ca sbatte comm'a ll'onne!
Durmenno, angelo mio,
chisà tu a chi te suonne
'A gelusia turmenta
stu core mio malato:
Te suonne a me?...Dimméllo!
O pure suonne a n'ato?
I' te vurría vasá.

I' te vurría vasá
I' te vurría vasá
ma 'o core nun mm''o ddice
'e te scetá
'e te scetá!
I' mme vurría addurmí
I' mme vurría addurmí
vicino ô sciato tujo,
n'ora pur'i'
n'ora pur'i'!

I' mme vurría addurmí
I' mme vurría addurmí
vicino ô sciato tujo,
n'ora pur'i'
n'ora pur'i'!

Andrea Bocelli

"I' te vurria vasà" (Parole di: Vincenzo Russo, Musica di Eduardo Di Capua) è una canzone del 1876. Conosciuta a livello mondiale, è considerata una delle pietre miliari della canzone napoletana.

< Torna indietro

© Palermomania.it - Il portale di Palermo a 360°

Vota questo articolo: 240

Lascia un tuo commento

Questo articolo ha ricevuto commenti!