Ah! Che bell'aria fresca,
Ch'addore 'e malvarosa!
E tu durmenno staje
'Ncopp'a 'sti ffronne 'e rosa.
'O sole a poco a poco
Pe' 'stu ciardino sponta,
'O viento passa e vasa
'Stu ricciulillo 'nfronte.
I' te vurria vasà,
I' te vurria vasà,
Ma 'o core nun mm' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin'ô sciato tuojo
'N'ora pur'i',
'N'ora pur'i'.
Tu duorme, oje Rosa mia,
E duorme a suonno chino,
Mentr'io guardo, 'ncantato,
'Stu musso curallino.
E chesti ccarne fresche
E chesti ttrezze nere
Mme mettono 'int' 'o core
Mille male penziere.
I' te vurria vasà,
I' te vurria vasà,
Ma 'o core nun mm' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin'ô sciato tuojo
'N'ora pur'i',
'N'ora pur'i'.
Sento 'stu core tuojo
Ca sbatte comm'a ll'onne.
Durmenno, angelo mio,
Chisà tu a chi te suonne.
'A gelusia turmenta
'Stu core mio malato.
Te suonne a me? Dimmello!
O pure suonne a 'n'ato?
I' te vurria vasà,
I' te vurria vasà,
Ma 'o core nun mm' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin'ô sciato tuojo
'N'ora pur'i',
'N'ora pur'i'.
Interpretazione di Mina
Musica: Eduardo Di Capua,
Versi: Vincenzo Russo.
Anno: 1900
© Palermomania.it - Il portale di Palermo a 360°
Lascia un tuo commento
Questo articolo ha ricevuto
Ultim'ora by Adnkronos
Parigi 2024, programma oggi 27 luglio: orari, finali e azzurri in gara
Pubblicata il 27-07-2024 alle ore 00:12
Ostaggi Israele, vertice domenica a Roma e nuove condizioni di Netanyahu: il punto
Pubblicata il 27-07-2024 alle ore 00:10
Israele, Netanyahu ospite a casa Trump. Il tycoon attacca Harris: "Irrispettosa"
Pubblicata il 27-07-2024 alle ore 00:09