La stragi di lu pani - Michela Rinaudo

Poesia scritta sulla strage del pane avvenuta il 19 ottobre 1944 a Palermo, dalla più autorevole poetessa siciliana, Michela Rinaudo (Lina La Mattina)

di Palermomania.it

| Pubblicata il: 18/10/2016 - 23:31:25

Letto 2505 volte

Vota questo articolo:

218

Siddu cuntari vulissi Palermu e la Sicilia
li vutti di sangu assuppati di petri, balati
chi comu ciumi currissi, s'allavancassi...
l'Oretu scomparissi e canciassi culura
puru lu mari... siddu pruvassi la storia
a jri a scola, fare cunti, assummari cruci
di morti senza nomu nè piccatu...

S'avissi a mettiri a cuncumeddu...
comu siddu cuntassi li pila all'agghi,
li stiddi a lu celu, l'unni a lu mari
ca nummaru, pisu, misura non hannu...
comu mai pi seculi... pisu e misura ha mai
datu la storia, la giustizzia, a tutti li stragi
scippannu mimoria a lu tempu, a la genti!

Chidda ca ora vi cuntu è una di li tanti...
Era lu 19 d'ottubri di lu millinovicentu
quarantaquattru, iu avìa sulu ottu misi.
Me' matri 'mpiata a patruna non potti jri
a scioperari, a gridari, 'nsemmula
a li tanti morti di fami, ca la miseria
tineva attaccati, comu scecchi a la catina!

A me' nanna però, fimmina senza scola,
bastava un biccheri di vinu pi sciogghiri
lingua, pinzera... filosofa addivintava:
"Mi pari comu fussi statu aeri, sti cosi fitusi
appiru lu curaggiu puru di sparari a genti
comu a mia: ottu figghi, lu maritu dispersu
'n guerra e lu pitittu ca nisceva di l'aricchi".

Cuntava me' nanna, di omini, fimmini
picciotti e picciriddi chi currevanu
'mpazzuti, cu l'occhi di fora pi lu scantu
scurdannu puru lu pitittu, tra sangu
bummi e morti ammazzati, squartaiati
comu agneddi di pasqua... sulu pirchì
addumannavanu pani, travagghiu, libirtà!

Ora la storia la sapemu tutti, non tutti
però sannu ca ci vosiru li pumperi
pi lavari sangu 'ncrustatu 'n via Maqueda,
sangu c'ancora vugghi, grida, sangu di matri,
di armuzzi nnuccenti c'ancora pitittu hannu,
ma sulu di giustizia, vulati leggi ntall'aria
lassanu pisanti cutugna 'ntra lu pettu...

Cutugna ca pisanu 'ntra lu cori di cu' sapi
'nfami minzogni... di cu' doppu tri anni,
'n tempu du' jorna, pi ordini di cu' non si sapi
'nchiudennu lu prucessu dissi: - Bastardi
assassini ca non ci nné... Eccessu di zelu fu...
surdati armati, ca s'appiru a difenniri
di li soliti testi caudi siciliani... "Sobillaturi"! -

"Sobillaturi!", ripigghia amara me' nanna
finennu lu biccheri di vinu davanti...
- sobillaturi... fimmini, picciriddi e picciotti
c'avevanu quasi tutti menu di vint'anni! -

Michela Rinaudo
(Lina La Mattina)
Palermo, 19 ottobre 2012

La strage del pane

Se raccontare volesse Palermo e la Sicilia
le botte di sangue che hanno abbeverato strade, pietre,
fiume che corre, precipita...
l'Oreto sparirebbe, cambierebbe colore
il mare... se provasse la storia
ad andare a scuola, fare conti, sommare croci
di morti senza nomi né peccati...

Si dovrebbe accosciare...
contare peli a teste d'aglio,
stelle al cielo, onde al mare
che numero, peso, misura non hanno...
come per secoli... peso e misura ha mai
dato la storia, la giustizia, a tutte le stragi
strappando memoria al tempo, alla gente!

Quella che adesso racconto è una delle tante...
Era il 19 di ottobre del 1944, avevo otto mesi.
Mia madre impiegata a servizio non poté andare
a correre, gridare per le strade insieme
ai tanti poveracci che la miseria
teneva legati come asini a la catena!

A mia nonna, invece donna analfabeta,
bastava un bicchiere di vino per sciogliere
lingua, trecce ai pensieri... filosofa diventava:
" Mi pare fosse stato ieri, quei maledetti
hanno avuto il coraggio di uccidere gente
come me: otto figli, marito disperso
in guerra e la fame che usciva dalle orecchie".

Raccontava mia nonna di uomini, donne
giovani e fanciulli che correvano
impazziti, con gli occhi annichiliti dalla paura
dimentichi della fame, tra sangue,
bombe e morti ammazzati,squartati
come agnelli pasquali... sol perché
chiedevano pane, lavoro, libertà!

Ora la storia la conosciamo tutti, non tutti
però sanno che ci vollero i pompieri
per lavare sangue incrostato in Via Maqueda,
sangue che ancora bolle, grida, sangue di madri,
di anime innocenti che ancora hanno fame,
ma solo di giustizia, volati leggeri nei cieli
ma lasciando macigni sulla terra...

Macigni che pesano nel petto di chi sa
d'infame menzogne... di chi dopo tre anni,
in soli due giorni, per ordine di chi ancora non si sa
concluse il processo dicendo: - Bastardi
assassini qui non ve ne sono... Fu eccesso di zelo...
soldati armati che dovettero difendersi
dalle solite teste calde siciliani... "Sobillatori!" --

"Sobillatori!", ripete con una smorfia amara mia nonna
finendo il bicchiere di vino davanti...
"Sobillatori!" Donne, bambini, fanciulli
che avevano quasi tutti meno di vent'anni!

Michela Rinaudo
(Lina La Mattina)
Palermo, 19 ottobre 2012

< Torna indietro

Vota questo articolo:

218

Lascia un tuo commento

Questo articolo ha ricevuto commenti!